Шаноўныя калегі!
Сёння фарміраванне прафесійнага адзінства і калегіяльнасці ў
сістэме адукацыі выступае як найважнейшая задача развіцця сучаснай беларускай
школы. Карэнныя трансфармацыі ў сістэме адукацыі ці ўкараненне адной канкрэтнай
ідэі немагчымы без пераканання кожнага ўдзельніка адукацыйнага працэсу ў іх
неабходнасці, эфектыўнасці і мэтазгоднасці.
Даследаваннямі ўстаноўлена, што змест і структура дзелавых
сувязей у прафесійнай дзейнасці істотна ўплываюць на працэсы творчага росту,
фарміравання адзінства і калегіяльнасці. Вузкапрафесійныя зносіны (напрыклад, у
межах толькі свайго прадмета, школы, рэгіёна) перашкаджаюць з’яўленню новых ідэй,
укараненню новых падыходаў да навучання, у той час як зносіны з шырокім колам
спецыялістаў несумненна спрыяюць іх узаемнаму ўзбагачэнню і самаразвіццю. Новыя
ўменні і веды, новы стыль паводзін залежаць ад таго, ці працуюць педагогі
ізалявана, ці абменьваюцца ідэямі, ці аказваюць узаемную падтрымку адзін аднаму,
ці пазітыўна ставяцца да сваёй працы, ці дакладна і эфектыўна выкарыстоўваюць
прафесійную інфармацыю.
На наш погляд, менавіта часопіс пераўтвараецца сёння ў тую
інавацыйную пляцоўку, дзе пад уплывам навукова і метадычна выверанай прафесійнай
інфармацыі аператыўна, комплексна і сістэмна фарміруецца методыка роздуму і
методыка дзеяння, шліфуюцца новыя сродкі і магчымасці для канструявання ўласнай
педагагічнай філасофіі. Менавіта педагагічныя СМІ з’яўляюцца тым аб’яднальным
фактарам, што фарміруе калектыўнае мысленне, адзінства і прафесійную
калегіяльнасць. Мы актыўна працуем над тым, каб наш аўтар і чытач валодаў
сфарміраваным пачуццём адказнасці за ўласнае прафесійнае развіццё на аснове
стратэгічна выверанай, сацыяльна значнай, якаснай інфармацыі.
А гэта значыць – мы стаім з вамі, шаноўныя чытачы, аўтары,
калегі і паплечнікі, на адной педагагічнай платформе.
Прывяду радкі з пісьма ў рэдакцыю дырэктара гімназіі № 2 г.
Салігорска Вячаслава Аркадзьевіча Ахрэмчыка: «Ваша выданне – крыніца натхнення
для кожнага педагога: ён знаходзіць педагагічныя таленты, узнімае іх па лесвіцы
прафесійнага поспеху і, як маяк, дапамагае трымацца правільнага кірунку».
А настаўніца гэтай жа гімназіі Лілія Аляксандраўна Валчок
дапаўняе гэтую думку ўласнымі паэтычнымі радкамі:
